Home Health & Fitness குழந்தைக்கு வெள்ளரிக்காய், எப்போது எப்படி கொடுக்கலாம்!

குழந்தைக்கு வெள்ளரிக்காய், எப்போது எப்படி கொடுக்கலாம்!

குழந்தைகளுக்கு வெள்ளரிக்காய் சத்துக்களை அள்ளித்தரும் என்றாலும் அதை எப்போது எப்படி கொடுக்க வேண்டும் என்பதை அறிந்து கொள்வது அவசியம்.
வெள்ளரிக்காய் குழந்தைகளுக்கு நீர்ச்சத்து இழப்பை ஏற்படாமல் பாதுகாக்கும். குழந்தைகள் வெள்ளரிக்காய் சாப்பிடுவதன் மூலம் வயிற்று வலி கோளாறுகளை எதிர்கொள்ள மாட்டார்கள். இப்போது குழந்தைக்கு வெள்ளரிக்காயை உணவாக கொடுப்பதாக இருந்தால் எப்போது எப்படி கொடுக்கலாம் என்பது குறித்து தெரிந்துகொள்ளுங்கள்.

​குழந்தைக்கு வெள்ளரிக்காய்

குழந்தைக்கு ஒன்பது மாதங்கள் ஆன பிறகு வெள்ளரிக்காயை அறிமுகப்படுத்தலாம். அதற்குள் திட உணவை சாப்பிட பழகி இருப்பார்கள். இந்த நேரத்தில் நீங்கள் வெள்ளரிக்காயை ப்யுரியாக செய்து சாப்பிடலாம். அதே நேரம் வெள்ளரிக்காயை சிறு துண்டுகளாக நறுக்கி குழந்தைகளை சாப்பிட சொல்ல கூடாது. ஏனெனில் இதில் இருக்கும் பிடசின் என்னும் பொருள் குழந்தைகளுக்கு அஜீரண கோளாறுகளை இரைப்பை பிரச்சனையை உண்டாக்க கூடும்.

குழந்தைகள் செரிமானம் சீராக செயல்படும் வரை காத்திருக்கலாம். குறைந்தது 12 மாதங்கள் கழித்து வெள்ளரிக்காயை அப்படியே நறுக்கி கொடுக்கலாம். அதற்கு முன்பு கொடுக்கும் பொது அதை மசித்து கொடுப்பதுதான் சீரான வழி.

​வெள்ளரிக்காயில் என்ன இருக்கு

ஒரு கப் சமைத்த வெள்ளரிக்காயில் 85% நீர்ச்சத்து உள்ளது. இது குழந்தையை நீரேற்றமாக வைத்திருக்க செய்கிறது. இதில் தேவையான அளவு உப்பும் உள்ளது.

வெள்ளரிக்காயில் சோடியம், பொட்டாசியம் மற்றும் பாஸ்பரஸ் போன்ற தாதுக்கள் போதுமான அளவு உள்ளது. அதோடு இதில் வைட்டமின் கேவும் இருப்பதால் குழந்தைகளின் எலும்பு வளர்ச்சிக்கு உதவுகிறது.

வெள்ளரி சாறில் இருக்கும் ஃப்ளவனாய்டுகள் மற்றும் டானினக்ள் ஆக்ஸிஜனேற்ற மற்றும் வலி நிவாரண பண்புகளை கொண்டுள்ளது. நோய் எதிர்ப்பு சக்தியை குழந்தைகளுக்கு அளிக்கிறது.

குழந்தைகளின் வளர்ச்சிக்கு உறுதுணையாக இருக்கும் ஃபோலேட் மிகவும் முக்கியமானது. இது தவிர திசுக்கள் மற்றூம் மூட்டுகளை வலுப்படுத்தும் சிலிக்காவும் வெள்ளரியில் உள்ளது.

வெள்ளரிக்காயில் குழந்தையின் வளர்ச்சிக்கு உதவும் வைட்டமின்கள் உள்ளது. இது குழந்தையின் நரம்புகள், கண்பார்வை, ரத்த ஓட்டம், இரும்புச்சத்து மற்றூம் எலும்பு வளர்ச்சிக்கு உதவுகிறது. வெள்ளரிக்காய் குழந்தையின் சருமத்துகும் நன்மை செய்கிறது.

​வெள்ளரிக்காயை கொடுக்கும் போது

குழந்தைகளுக்கு கொடுக்கும் எந்த காயாக இருந்தாலும் அதை முதலில் நன்றாக கழுவி சுத்தமாக துடைத்து நறுக்கி சேர்க்க வேண்டும். நீங்கள் முதன் முதலில் குழந்தைக்கு வெள்ளரி கொடுக்கும் போது அதன் தோலை அகற்றாமலும் கொடுக்கலாம். தோல் சீவியும் கொடுக்கலாம். ஆனால் எப்படி கொடுத்தாலும் சரியான முறையில் கொடுக்க வேண்டும்.

வெள்ளரிக்காயை 10 நிமிடங்கள் முதல் 15 நிமிடங்கள் வரை வேக வைக்கவும். அதை மென்மையாக்கும் வரை கரண்டியால் அல்லது கைகளால் மசிக்கவும். தேவையெனில் கட்டியில்லாமல் இருக்க மிக்ஸியிலும் மசிக்கலாம். வெள்ளரிக்காய் நீர்ச்சத்து மிகுந்தது என்றாலும் தேவையெனில் சிறிது நீர் சேர்த்துகொள்ளலாம்.

வெள்ளரிக்காய் அதிகம் இல்லாமல் மிகச்சிறிதளவுஅல்லது 5 முதல் 8 டீஸ்பூன் வரை கொடுத்து அவர்களுக்கு ஒவ்வாமை உண்டா என்று பரிசோதிக்க மறக்க வேண்டா. அதன் பிறகு 5 நாட்கள் வரை வேறு உணவுகள் பழக்கப்படுத்தாமல் வெள்ளரி ஒவ்வாமையை உண்டாக்குகிறதா என்று கவனியுங்கள்.

பிறகு ஒவ்வாமை இல்லை என்னும் நிலையில் சிறிது சிறிதாக அளவை அதிகப்படுத்துங்கள். மிக முக்கியமாக குழந்தைகளுக்கு தயார் செய்வதற்கு முன்பு அவை கசப்புத்தன்மையை உண்டாக்குகீறதா என்பதையும் பரிசோதித்து செய்யுங்கள்.

​ஒருவயது குழந்தைக்கு வெள்ளரிக்காய்

ஒரு வயது ஆன குழந்தைக்கு வெள்ளரிக்காய் கொடுக்கும் போது சுத்தம் செய்து நறுக்கி இரண்டு துண்டுகளை கொடுக்கலா. அவர்கள் நன்றாக மென்று சாப்பிடும் பழக்கத்தை கொண்டிருக்கிறார்கள் என்பதை அறிந்த பிறகு அதை கொடுக்கலாம்.

நினைவில் கொள்ளுங்கள் வெள்ளரிக்காயை மற்ற காய்வகைகளோடு சேர்த்து கொடுக்க கூடாது. அதைத் தனியாக தான் கொடுக்க வேண்டும். வெள்ளரி துருவலுடன் வேறு பழங்களை கலந்து சாலட் போன்று செய்து கொடுப்பது பெரியவர்களுக்கும் சிறுவர்களுக்கும் சரி ஆனால் குழந்தைகளுக்கு தனித்து கொடுக்கும் போதுதான் அவர்களது ஒவ்வாமை உணர்வை கண்டறிய முடியும்

​வெள்ளரிக்காய் ப்யூரி

குழந்தைக்கு காய்கறிகளில் ப்யூரி போன்று வெள்ளரிக்காயில் செய்து கொடுக்கலாம். இதை குழந்தைகள் எளிதாக செரிமானம் செய்து விடுவார்கள். ஒரு கப் நறுக்கிய வெள்ளரிக்காயில் (ஒவ்வாமை பரிசோதனைக்கு பிறகு ) ஒரு கப் பேரிக்காய் சேர்த்து கொள்ளுங்கள்.வெள்ளரிக்காயை சுத்தமாக நறுக்கி கட்டியில்லாமல் மசித்துவிடுங்கள்.

அதே போன்று பேரிக்காயையும் மிக்ஸியில் அடித்து விடுங்கள். இதில் கால் கப் அளவு தண்ணீர் சேர்த்துபேரிக்காய் மற்றும் வெள்ளரியை கலந்து இனிப்புக்கு சிறிது வெல்லம் ( தேவையெனில்) சேர்த்து குழந்தைகளுக்கு கொடுங்கள். குழந்தைகள் சப்பு கொட்டி சாப்பிடுவார்கள்.

குழந்தைக்கு வெள்ளரிக்காய் கொடுக்கும் போது அறைவெப்பநிலையில் வைத்து கொடுப்பது நல்லது. குழந்தைகளுக்கு வெள்ளரிக்காய் துண்டுகளை நறுக்கி கொடுக்கும் போது அவர்கள் அருகில் இருங்கள். அதிகமாக உள்ளே சென்று தொண்டையில் அடைப்பை உண்டாக்கிவிடக்கூட வாய்ப்புண்டு.