Home Health & Fitness கர்ப்பிணிகளுக்கு தொண்டை வலி வருவதை சாதாரணமாக எடுத்துக் கொள்ளலாமா? எப்படி உடனடியாக சரிசெய்வது?

கர்ப்பிணிகளுக்கு தொண்டை வலி வருவதை சாதாரணமாக எடுத்துக் கொள்ளலாமா? எப்படி உடனடியாக சரிசெய்வது?

தொண்டை வலியை உண்டாக்கும் சளி மற்றும் காய்ச்சல் உள்ளிட்ட நோய்த்தொற்றால், கர்ப்ப காலத்தில் உங்கள் உடல்நலம் அடிக்கடி பாதிக்க நேரிடும். கர்ப்பம், உங்கள் உடலை தொண்டை வலி ஏற்படுத்தும் குளிர் மற்றும் காய்ச்சல் உள்ளிட்ட தொற்றுநோய்களுக்கு ஆளாகிறது.

தொண்டை வலி என்பது தொண்டை அழற்சி அல்லது வீக்கத்தைக் குறிக்கிறது. இது வலி, தொண்டை வறட்சி, அல்லது தொண்டை அரிப்பு ஆகிய அசௌகரியங்களை ஏற்படுத்தி, உணவை விழுங்கும்போது மேலும் மோசமடைகிறது. பெரும்பாலும், இது வைரஸ் தொற்றுகளாலும் (சளி மற்றும் காய்ச்சல்), சில நேரங்களிலும் பேக்டீரியா தொற்றுகளாலும் ஏற்படுகிறது.

​கர்ப்ப காலத்தில்

தொண்டை வலி, எதுக்கலித்தல் (ஆசிட் ரிஃப்ளக்ஸ்), ஒவ்வாமை (தூசு மற்றும் மகரந்தம்), தொண்டையின் தசை வலி, இரசாயனங்கள் அல்லது மாசுபடுத்திகளின் மற்றும் சைனசிடிஸ் ஆகியவற்றால் கூட ஏற்படும்.

பல சமயங்களில், தொண்டை வலி எந்த மருந்தும் இல்லாமலே தானாகவே சில நாட்களில் சரியாகிவிடும். ஆனால், பேக்டீரியாவில் உண்டாகும் ஸ்ட்ரெப் தொண்டை எனப்படும் தொற்றுக்கு பெனிசிலின் என்ற நுண்ணுயிர் எதிர்ப்பிகள் கொண்டு சிகிச்சை அளிக்க வேண்டும்.

​தொண்டை வலியும் சிகிச்சையும்

நீங்கள் கர்ப்பமாக இருக்கும்போது தொண்டை வலி ஏற்பட்டால், இந்த சாதாரண தொற்றுக்கு சிகிச்சை அளிப்பது மிகவும் கடினமானதாக இருக்கும். ஏனென்றால், கர்ப்ப காலத்தில் நீங்கள் உட்கொள்ள முடியாத பல விஷயங்கள் இருக்கின்றன. கர்ப்ப காலத்தில் ஏற்படும் தொண்டை வலிக்கான சிறந்த வீட்டு வைத்தியங்களை பரிந்துரைக்கிறோம்.

அதற்கு முன்பு, கர்ப்ப காலத்தில் தொண்டை வலி மற்றும் வலி உண்டாவதற்கான காரணங்களைக் காண்போம்.

​கர்ப்பகால தொண்டைவலிக்கான காரணங்கள்

உடலின் நோயெதிர்ப்பு அமைப்பின் மாறுபடும் தன்மை

நீங்கள் கர்ப்பமாக இருக்கும் போது, உங்கள் உடலின் நோய் எதிர்ப்பு சக்தியின் அமைப்பு தன்னுடைய பலத்தைக் குறைக்கும், எனவே உங்கள் உடல் உங்கள் கருவில் வளரும் குழந்தையை நிராகரிக்காது. இது உங்கள் உடலை நோய்த்தொற்று ஏற்படும் ஆபத்துக்கு உள்ளாக்குகிறது. இவற்றில், தொண்டை வலிக்கு காரணமான, சளி மற்றும் காய்ச்சல் ஏற்படுத்தும் தொற்றுக்கிருமியும் அடங்கும்.

​ஹார்மோன்களின் ஏற்றத்தாழ்வு

கர்ப்பகாலத்தில் ஈஸ்ட்ரஜன் மற்றும் ப்ரோஜெஸ்டெரோன் ஹார்மோன்களின் மாறுபடும் அளவுகள், தொண்டை வலியுடன் சேர்த்து, பிற அறிகுறிகளான தலைவலி மற்றும் குமட்டல் ஆகியவற்றை ஏற்படுத்தும்.

​கர்ப்பத்தின் அறிகுறி

நீங்கள் கர்ப்பமாக இருக்கிறீர்கள் என்பதற்கு பல அறிகுறிகள் இருக்கின்றன. நெஞ்செரிச்சல் அல்லது எதுக்கலித்தல் என்பது கர்ப்பமாக இருப்பதன் அறிகுறியாகும், எனவே இது உங்களுக்கு தொண்டை வலியை ஏற்படுத்தலாம்.

அதிர்ஷ்டவசமாக, தொண்டை வலியை குணப்படுத்த எளிதான வீட்டிலேயே செய்யக்கூடிய சிகிச்சைகள் இருக்கின்றன.

​கர்ப்பகால தொண்டை வலி

கர்ப்ப காலத்தில், தொண்டை வலி ஏற்படுவது பற்றி பெரிதாக கவலைப்பட வேண்டாம். ஆனால் சளி, குளிர் மற்றும் கடுமையான உடல்நலக்குறைவு ஆகியவற்றுடன் தொண்டைவலியும் காணப்பட்டால், அது காய்ச்சலாக இருக்கலாம். எனவே, உடனே உங்கள் மருத்துவரை சந்திக்க வேண்டும்.

இது ஸ்ட்ரெப் தொண்டை பாதிப்பு என்றால், அதாவது பாக்டீரியாவால் உண்டாகும் கடுமையான தொண்டை வலியாக இருந்தால், உங்களுக்கு மருத்துவரின் உதவி தேவைப்படலாம்.

உங்களின் தொண்டை வலி பெரிதாக எரிச்சலூட்டவில்லை என்றால், வீட்டிலேயே சில பாதுகாப்பான வைத்திய முறைகளை முயற்சி செய்யலாம். இது கருவில் இருக்கும் குழந்தைக்கும் பாதுகாப்பாக இருக்கும். எனவே, கர்ப்ப காலத்தில் தொண்டை வலி ஏற்படும் போது, கீழே குறிப்பிட்டுள்ள இயற்கை வைத்தியங்களை முயற்சிக்கவும்:

​உப்பு நீரில் கொப்புளிப்பது

கர்ப்ப காலத்தில் உண்டாகும் தொண்டை வலியிலிருந்து நிவாரணம் பெற, மிகவும் பாதுகாப்பான வீட்டு வைத்தியங்களில் இது ஒன்றாகும். வெதுவெதுப்பான உப்பு நீரில் கொப்புளிக்கும் போது உங்கள் தொண்டையில் இருக்கும் எரிச்சலூட்டும் பொருட்கள் நீங்கும் மற்றும் சளியைத் தளர்த்த உதவும். இவை இரண்டும் உங்கள் உங்கள் தொண்டை வலியை குறைக்கும்.

அது மட்டுமின்றி உப்பு, வீங்கியிருக்கும் திசுக்களில் இருந்து அதிகப்படியான ஈரப்பதத்தை வெளியேற்றி, வீக்கத்தைக் குறைக்கிறது. வெதுவெதுப்பான உப்பு நீர் இன்னும் என்னவெல்லாம் நன்மை அளிக்கிறது? உப்பில் ஆன்ட்டிசெப்டிக் மற்றும் ஆன்ட்டிமைக்ரோபியல் பண்புகள் உள்ளன. இவை பாக்டீரியா வளர்ச்சியைக் கட்டுப்படுத்தலாம்.

தொண்டை வலியிலிருந்து நிவாரணம் பெற, ஒரு நாளைக்கு குறைந்தது 3 முறையாவது வெதுவெதுப்பான நீரில் உப்பு சேர்த்து, கொப்புளிக்க வேண்டும்.

ஒரு கிளாஸ் சூடான நீரில் ஒரு தேக்கரண்டி கல் உப்பை சேர்க்கவும். அதனை உப்பு கரையும் வரை நன்றாகக் கலக்கவும். அந்த உப்பு நீரை வாயில் ஊற்றி, தொண்டையில் படுமாறு குறைந்தது ஒரு நிமிடமாவது கொப்புளிக்கவும். தினமும் மூன்று முறை செத்தால், வலியில் இருந்து நிவாரணம் கிடைக்கும்.

​சூடான மஞ்சள் பால் அருந்துவது

மஞ்சளில் பல மருத்துவப் பண்புகள் இருக்கின்றன. இதிலிருக்கும் ‘குர்குமின்’ எனப்படம் ‘ஆக்டிவ் காம்பவுண்ட்’ வீக்கத்தை மற்றும் அழற்சியைக் குறைப்பதில் மிகவும் உதவியாக இருக்கிறதென்று ஆராய்ச்சி கூறுகிறது. கூடுதலாக, மஞ்சள் வலி நிவாரணியாகவும் செயல்பட்டு, தொண்டை வலியை குறைக்கும்.

தினமும் 2 கிளாஸ் வெதுவெதுப்பான அல்லது சூடான மஞ்சள் சேர்த்த பாலைக் குடித்து, எரிச்சலூட்டும் தொண்டை வலியிலிருந்து நிவாரணம் பெறுங்கள்.

  • ஒரு கோப்பை சூடான பாலில் ஒரு தேக்கரண்டி மஞ்சள் தூள் சேர்க்கவும்.
  • ஒன்றிரண்டு மிளகை நன்றாக இடித்து பாலில் சேர்க்கவும்.
  • இனிப்புச் சுவைக்காக ஒரு தேக்கரண்டி தேன் அல்லது பனங்கற்கண்டு சேர்த்து கலக்கவும்.
  • சூடாக அல்லது வெதுவெதுப்பாக மஞ்சள் பாலை அருந்தவும்.

​ஆப்பிள் சைடர் வினிகர்

கர்ப்பகாலத்தில் ஏற்படும் தொண்டைவலிக்கு பாதுகாப்பான எளிதான சிகிச்சை முறைகளில் இதுவும் முக்கியமானது. ஒரு கிளாஸ் தண்ணீரில், 1 தேக்கரண்டி பதனிடப்படாத வடிகட்டப்படாத ஆப்பிள் சைடர் வினிகர் கலந்து, ஒரு நாளைக்கு இரண்டு முறை என்ற கணக்கில் இந்த கரைசலை குடிக்கலாம்.

உங்களுக்கு தேவைப்பட்டால் சிறிதளவு தேனையும் சேர்க்கலாம். மாற்றாக, ஒரு கிளாஸ் வெதுவெதுப்பான நீரில் 1-2 தேக்கரண்டி ஆப்பிள் சைடர் வினிகரை கலந்து, இந்த கரைசலை ஒரு நாளைக்கு 2 முதல் 3 முறை கொப்புளித்து வரலாம்.

ஆப்பிள் சிடர் வினிகர் என்பது இயற்கையிலேயே அமிலத்தன்மைக் கொண்டது. ஆனால், அதை உட்கொள்ளும் போது, காரத்தன்மை கொண்டதாக மாறிவிடுகின்றது. பெரும்பாலான வைரஸ் நுண்கிருமிகள் காரத்தன்மை நிறைந்த சூழலில் வாழ முடியாது. ஆல்கலைசிங் விளைவு எனப்படும் அமில உருவாக்கத்தைக் கட்டுப்படுத்தி, தொண்டை வலிக்கு சிறந்த நிவாரணியாக ஆப்பிள் சிடர் வினிகர் இருக்கிறது.

​உணவிற்கு பிறகு இஞ்சி தேநீர் அருந்துங்கள்

எதுக்கலித்தல் அல்லது நெஞ்செரிச்சல் காரணமாக உங்களுக்கு தொண்டை வலி ஏற்பட்டால், அதற்கு இஞ்சி மிகச்சிறந்த தீர்வாகும். இஞ்சியில், ஃபினோலிக் கூறுகள் மற்றும் எளிதாக ஆவியாகக் கூடிய எண்ணைகள் உள்ளன. இந்த பண்புகள், வயிற்றில் இருக்கும் அமிலத்தை சமநிலைப்படுத்த உதவுகின்றன.

இஞ்சி கர்ப்பகாலத்தில் ஏற்படும் வாந்தி, குமட்டலோடு, அசிடிட்டியையும் தடுக்கிறது. அதுமட்டுமின்றி, இஞ்சியில், ஆன்டி-ஆக்சிடன்ட், நுண்கிருமி எதிர்ப்பு, பேக்டீரியல்-எதிர்ப்பு மற்றும் அழற்சி-எதிர்ப்பு போன்ற பல்வேறு குணப்படுத்தும் மருத்துவக் கூறுகள் உள்ளன.

ஒவ்வொரு முறை, உணவு உண்ட பிறகும், இஞ்சி தேநீர் குடியுங்கள். ஆனால், அதிகபட்சமாக ஒரு நாளைக்கு 2 கோப்பைகளுக்கு மேல் குடிக்க வேண்டாம்.